Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 24.81 | Dem. 24.84 (English) | >>Dem. 24.87 |
24.83διαφέρει δὲ τί ; εἰ μὲν ἔγραψε καθιστάναι τοὺς ἐγγυητὰς ἦ μὴν ἐκτείσειν τὸ τίμημα τὸ γιγνόμενον , προσπεριειλήφει τοὺς νόμους ἂν καθʼ οὓς τὰ μὲν διπλᾶ , τὰ δὲ καὶ δεκαπλᾶ γίγνεται τῶν ὀφλημάτων · ὥστʼ ἐκ τούτων ἦν ἀνάγκη τοῖς ὀφλοῦσιν τὸ γεγραμμένον τʼ ἐκτίνειν καὶ τὰς ἐκ τῶν νόμων προσούσας ζημίας καταβάλλειν . νῦν δʼ ἐν τῷ γράψαι “τὴν κατάστασιν εἶναι τῶν ἐγγυητῶν ἦ μὴν ἐκτείσειν τὸ ἀργύριον ὃ ὦφλεν ,” ἐκ τῆς λήξεως καὶ τῶν γραμμάτων ἐφʼ οἷς ἕκαστος εἰσήχθη ποιεῖ τὴν ἔκτισιν , ἐν οἷς πᾶσιν ἁπλοῦν ὅ τις ὦφλεν ἀργύριον γέγραπται .
μετὰ ταῦτα τοίνυν τηλικοῦτο πρᾶγμʼ ἀνελὼν ἐν τῇ τῶν ῥημάτων μεταθέσει , προσέγραψεν “τοὺς δὲ προέδρους ἐπιχειροτονεῖν ἐπάναγκες , ὅταν τις καθιστάναι βούληται ,” παρὰ πάντα τὸν νόμον οἰόμενος δεῖν σῴζειν τὸν ἠδικηκότα καὶ τὸν ἐν ὑμῖν ἑαλωκότα . δοὺς γὰρ ὅταν βούληται τὴν κατάστασιν αὐτῷ τῶν ἐγγυητῶν , ἐπʼ ἐκείνῳ πεποίηκεν μηδέποτʼ ἐκτεῖσαι μηδὲ δεθῆναι .
24.85τίς γὰρ οὐ ποριεῖται φαύλους ἀνθρώπους , οὓς ὅταν ὑμεῖς ἀποχειροτονήσητʼ ἀπηλλάξεται ; ἐὰν γάρ τις ὡς οὐ καθιστάντα τοὺς ἐγγυητὰς ἀξιοῖ δεδέσθαι , φήσει καὶ καθιστάναι καὶ καταστήσειν , καὶ δείξει τὸν τούτου νόμον , ὃς καθιστάναι μὲν ὅταν βούληται κελεύει , φυλάττειν δὲ τέως οὐ λέγει , οὐδʼ , ἂν ἀποχειροτονήσηθʼ ὑμεῖς τοὺς ἐγγυητάς , προστάττει δεδέσθαι , ἀλλʼ ὡς ἀληθῶς ὥσπερ ἀλεξιφάρμακόν ἐστι τοῖς ἀδικεῖν βουλομένοις .
24.84
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 24.81 | Dem. 24.84 (English) | >>Dem. 24.87 |